Google ka zbuluar një cenueshmëri me rrezikshmëri të lartë në Chrome, që mund të shfrytëzohet nga hakerë në distancë. Duke ndjekur praktikat e sigurisë, kompania nuk jep ende detaje teknike deri sa shumica e përdoruesve të marrin përditësimin—sidomos nëse problemi qëndron në një bibliotekë “third-party” që përdoret gjerësisht edhe nga projekte të tjera.

Alarmi vjen pak javë pas një raundi tjetër përditësimesh emergjente për shfletuesin më të përdorur në botë, çka tregon se sulmet ndaj shfletuesve janë bërë më të shpeshta dhe “patch-et” duhen instaluar pa vonesë.

Si të mbrohesh

Google po shpërndan një përditësim kritik sigurie për rreth 3.5 miliard përdorues të Chrome. Instalimi është manual:

1. Hap Chrome → menytë me tre pika lart djathtas.

2. Help → About Google Chrome.

3. Prisni që Chrome të kontrollojë dhe shkarkojë përditësimin.

4. Rinis shfletuesin për ta aktivizuar.

Pas instalimit, kanali Stable kalon në 139.0.7258.127/.128 në Windows/Mac dhe 139.0.7258.127 në Linux.

Pse ka rëndësi

Ekspertët e sigurisë theksojnë se kriminelët kibernetikë përpiqen të shfrytëzojnë boshllëqet sapo bëhen publike. Meqë Chrome mban rreth 67.9% të tregut të shfletuesve (kundrejt 16.2% Safari dhe 5% Edge), dritarja e rrezikut është e madhe—prandaj përditësojeni tani dhe mos e lini për më vonë.